Christian Lemmer is 'n internet-kunshandelaar van beroep, maar hy soek iets meer in die lewe; deel van sy bestaan word geheim gehou van sy gesin... Sedert verskeie hartomleidings, en ook nadat hy deur Kaapse bendelede geteiken is, het sy lewe toenemend gekompliseerd - en interessant - begin raak. En op Matjiesfontein is daar 'n amper magiese wedvlugduif-kultuur, wat soos 'n goue draad deur daardie sameleweling loop. Daar is bv. die geheimsinnige hotelbestuurder, selfopgeleide hipnotis, wat verskillende personas bevolk. En Miss Edelweiss, musiekonderwyseres wat die vlaktes met haar metaalverklikker bewandel. En Johnny, die deurwag met die immer-wit handskoene. Op vernuftige wyse word die twee verhaallyne met mekaar versoen, onder meer deur die bruin meisie Saartjie... sy wat eendag 'n viool optel en asof besiel daarop begin speel. Wanneer sy ontvoer word - of het sy weggeloop? - begin 'n intrige ontvou wat al drie ruimtes in die storie op vernuftige wyse oormekaar laat skuif.