Fargesprakande dialog og ellevill fantasi, sterkt tilrådd for alle som saknar, eller hadde gløymt at dei sakna, fjernsynsserien. Fyrste halve pocketen er brukt på ein teikneserieversjon av pilotepisoden, og resten av den er via til BOOM! Comics si ambisiøse fortsetjing der fjernsynsserien ga seg. Sistnemnte er særleg interessant på grunn av den relativt elegante inkluderinga av DuckTales-kontinuitet og -karakterar i Darkwing-universet, utan at dette nokon gong tek merksemda vekk frå hovudgalleriet av heltar og skurkar. (Det er òg flust av meir subtile cameos frå andre Disney-konsept, med alt frå Moby Duck og Rescue Rangers til symbolikk frå diverse filmskurkar, som i alle fall eg tykte var ein artig bonus.) Det kan bli litt vel sinnsvakt og hektisk til tider, men då er det berre å leggje pocketen frå seg og lese noko anna ein dag eller to før ein fortset, så ein kan verkeleg nyte galskapen. ( )