زينب حفني

من خلال قرائتي لآراء الناس في هذه الرواية استنتجت إن أكثرهم ما أعجبتهم لأنها كانت "قذرة" و"سوداوية"، أنا كرهتها لسبب مختلف تماماً، كرهتها لأن حسيت الكاتبة تبغى شهرتها في إنها تتكلم عن أشياء تصدم المواطن السعودي التقليدي.
من وجهة نظري، ما كان فيه شيء يصدم وما أمانع وجود هالعوامل في أي رواية، ولكن وجودها في هالرواية كان جداً سيء وماله أي هدف.
أولاً، الشخصيات كلها كانت غبية - ممكن هذا المقصود - ولا تعاطفت معها ولا تفاعلت في أي نقطة من الرواية.
ثانياً، الكاتبة استهلكت الأسئلة البلاغية، لدرجة إن فيه فصل من الفصول يمكن فيه حول 15 سؤال كذا! وش دخلني بالتساؤلات حقت الشخصية؟ إذا كتابتك كانت سيئة لدرجة إنك ما تقدرين توصلين أحاسيس الشخصيات من خلالها لا تقومين تصفصفين علينا أسئلة عبيطة. "تُرى هل أشرب شاهي أم قهوة؟ تُرى هل سيؤثر ذلك على مجرى حياتي ويخليني أبيع جسدي لمدراء عشان يعطوني فلوس؟ تُرى..." خلاص أف. طيري. طفشتينا.
وبعدين مب واقعي أبداً إنه وحده تحقق كل أحلامها في الحياة من خلال بيع جسدها. الله لو إنها وشو.


البداية كانت جيدة ولكن أخذت الرواية مسار آخر ركيك ومبتذل، مشابه جداً للمسلسلات الخليجية الرديئة اللي يكثر فيها التراجيدي.

نفسي عفت عن الروايات السعودية للأبد، شكله.



… (más)