Maria Angelidou

MITOS GRIEGOS

Os gregos da antigüidade tentaban comprender
o sentido das cousas por medio dunha serie
de fascinantes lendas que coñecemos co
nome de mitoloxia. Aquelas vellas historias, que narraban
grandes prodixios cun poderoso alento poético, falaban de deuses
todopoderosos, heroes de corazón valente e persoas que se
vian abocadas á desgraza por culpa das debilidades do seu carácter.

Este libro é unha boa mostra do extenso repertorio da
mitoloxia grega. As súas páxinas explícannos, entre outras
moitas cousas, o que pasou coa caixa de Pandora e co cabalo de
Troia, por que o rei Midas convertia en ouro todo o que tocaba,
quen foron Prometeo e o Minotauro, que lle sucedeu a Orfeo
cando baixou aos infernos e por que Icaro se empeñou en voar
coma os paxaros cunhas febles ás de cana e cera. O conxunto é
pois tan variado e intenso que resulta ben doado comprender
por que os mitos sobreviviron durante trinta séculos: porque,
hoxe coma onte, cumpren á perfección o seu propósito, que é
ilustrarnos sobre as reviravoltas da vida humana por medio da
emoción e da sorpresa.

0 presente volume constitúe unha inmellorable introdución ao
universo da mitoloxía. Recolle catorce mitos gregos, escolmados
entre os máis famosos e atractivos, que foron
narrados con amenidade e sinxeleza, pero tamén
cunha evidente ambición literaria. 0 libro conta
con magníficas ilustracións realizadas polo artista
búlgaro Svetlin.… (más)